Gå til hovedinnhold

Ja til aldersgrense i sosiale medium!

Senterungdomen ser med bekymring på utviklinga der sosiale medium tek stadig større plass i born og unge sin kvardag. Sosiale medium kan bidra positivt til kjensle av fellesskap og tilhøyrsle, samstundes har det med seg mange negative sider. Sosialt press, mobbing, trakassering og andre uønskte hendingar som går ut over livskvalitet og trivsel i kvardagen.

Plattformar styrt og prega av algoritmar er laga for å syne innhald algoritmane trur brukaren vil nytte mest tid på. Det kan føre til avhengigheit gjennom uendelege moglegheiter for å få opp innhald, ekko-kammer som gjev mindre eksponering for ulike syn eller meiningar samt at plattformene gjer det enklare å spreie feilinformasjon. Algoritmane prioriterer ofte innhald som vekkjer sterke reaksjonar, som førar til at konflikt, ytterleggåande meiningar og eit hardare debattklima får større plass medan nyanserte synspunkt druknar. 

Born og unge er meir sårbare for å verte påverka og utnytta i sosiale medium. Digitale overgrep, økonomisk utnytting, deling og misbruk av bilete, mobbing og press er problemstillingar ein står ovanfor med born og unge på nett. Samstundes er det vanskeleg for vaksne å halde oppsyn med kva som går føre seg på dei ulike digitale plattformene. Dei seinare åra har ein og sett at kriminelle nettverk og gjengar i større grad rekrutterer unge gjennom sosiale medium. 

Når utfordringane med sosiale medium er så omfattande og varierte handlar det i første omgang om å beskytte born og unge. Med å innføre 16-års aldersgrense i sosiale medium vil gje born betre vern i ein fase av livet der identitet, psykisk helse og sosial tilhøyrsle vert forma. Det må og arbeidast konkret med å byggje unge sin motstandskraft i møte med sosiale medium. 

Senterungdomen vil: 

  • Innføre 16-års aldersgrense i sosiale medium 

  • Nytte aldersverifisering med bankID eller tilsvarende for å opprette bruker 

  • Ha tydelegere krav til moglegheter for varsling, rapportering og klager 

  • Syte for raskare handtering av hets, truslar og uønskt deling- og reele sanksjonar ved brot, som bot og utesteging frå sosiale medier 

  • Forbod mot kommersiell utnytting av born sin aktivitet og persondata, inkludert målretta reklame og sporing retta mot mindreårige. 

  • Meir opplæring i kjeldekritikk og digital dømekraft i skulen, både for elevar og foreldre