Møre og Romsdal Senterungdom

Senterungdomen er Noregs råaste ungdomsorganisasjon. Vi jobbar heile tida, i heile landet, for at alle skal få oppleve Noreg på sitt beste.
Vi i Møre og Romsdal er eit fylkeslag i vekst og har dei siste åra ligg stabilt over hundre medlemmar, men vi har rom for mange fleire.
Fleire medlemmar gjev oss moglegheit til å stå på endå litt meir kvar dag for at du skal kunne bu kvar du vil, trygge lokalsamfunn og trygg norsk mat.

No har vi fire lokallag i Møre og Romsdal. Det er Surnadal Senterungdom, Eide og Fræna Senterungdom, Kristiansund Senterungdom og Ørsta og Volda Senterungdom.
Desse har arrangement i nærområdet sitt, både sosiale og faglege. Vi anbefaler å sjå på facebooksidene til lokallaga for å finne ut kva dei driv med.

Fylkeslaget har òg arrangement med jamne mellomrom. Vi prøvar å spreie desse ut over heile fylket for at flest mogleg skal kunne delta på i alle fall noko.
Informasjon om desse kjem på sms til alle medlemmar og blir i tillegg delt på fylkeslaget si facebookside. For meir informasjon om kva som foregår er fylkeslagets facebookside den beste plassen å følgje med. Det er òg fritt fram for å ta kontak med alle i styret.