Det norske seismikkselskapet Fugro-Geoteam har gått inn i eit oppdrag i havområda utanfor Vest-Sahara. Oppdraget blir gjort på vegne av Marokko som, stikk i strid internasjonal rett, okkuperer og utnyttar ressursane i Vest-Sahara. Senterungdomen krev at selskapet øyeblikkeleg trekkjer seg ut av området. Vidare krev Senterungdomen at Statens pensjonsfond utland trekkjer ut investeringane sine i det nederlandske moderselskapet til Fugro-Geoteam, Fugro NV, om ikkje dette skjer. Å vera ein fredsnasjon inneber å ta avstand frå okkupasjon og undertrykking.